മോയന്‍സ് ഹയര്‍ സെക്കണ്ടറി സ്കൂളില്‍ ശതാബ്ദി വര്‍ഷത്തില്‍ 100% വിജയവും 100 A+ ഉം ലക്ഷ്യമാക്കി നടത്തി വരുന്ന മിഷന്‍ 100 പദ്ധതിയുടെ ഭാഗമായി ജനുവരി 12,13 തീയതികളില്‍ രണ്ട് ദിവസത്തെ ശില്‍പ്പശാല സംഘടിപ്പിച്ചു. പാലക്കാട് നഗരസഭാധ്യക്ഷ ശ്രീമതി പ്രമീളാ ശശിധരന്‍ ഉദ്ഘാടനം ചെയ്തു. വിദ്യാഭ്യാസ സ്റ്റാന്‍ഡിങ്ങ് കമ്മിറ്റി ചെയര്‍ പേഴ്‌സണ്‍ ശ്രീമതി ദിവ്യ കെ അധ്യക്ഷത വഹിച്ചു. പാലക്കാട് ലീഡ്‌സ് കോളേജ് , മുണ്ടൂര്‍ യുവക്ഷേത്ര എന്നിവടങ്ങലിലേതടക്കം വിവിധ സ്ഥാപനങ്ങളില്‍ നിന്നുള്ള പ്രഗല്‍ഭരാണ് ക്ലാസുകള്‍ നയിച്ചത്. വിഷയാധിഷ്ടിതമായ ക്ലാസുകള്‍ക്ക് പുറമേ Time Manegement, പരീക്ഷാപ്പേടി, മാനസിക പിരിമുറുക്കം ലഘൂകരിക്കല്‍, യോഗ , മെഡിറ്റേഷന്‍ എന്നിങ്ങനെ വ്യത്യസ്ത മേഖലകളിലൂടെ നടന്ന പ്രവര്‍ത്തനങ്ങളില്‍ 416 വിദ്യാര്‍ഥിനികള്‍ പങ്കെടുത്തു. സ്കൂള്‍ അധ്യാപകര്‍ തയ്യാറാക്കിയ Key to Success എന്ന പഠന സഹായി പ്രകാശനം ഹയര്‍ സെക്കണ്ടറി ജോയിന്റ് ഡയറക്ടര്‍ ശ്രീ ഇമ്പിച്ചിക്കോയ നിര്‍വഹിച്ചു. സമാപന സമ്മേളനത്തില്‍ ഹയര്‍ സെക്കണ്ടറി മലപ്പുറം മേഖലാ ഡപ്യൂട്ടി ഡയറ്കടര്‍ ശ്രീമതി ഷൈലാ റാം അധ്യക്ഷത വഹിച്ചു . സ്കൂള്‍ പ്രിന്‍സിപ്പല്‍ ശ്രീ പി അനില്‍, മിഷന്‍ 100 കോര്‍ഡിനേറ്റര്‍ ശ്രീമതി സി പുഷ്കല, ശില്‍പ്പശാല കോര്‍ഡിനേറ്റര്‍ ശ്രീ പ്രമോദ് എം കെ എന്നിവര്‍ പ്രവര്‍ത്തനങ്ങള്‍ക്ക് നേതൃത്വം നല്‍കി. പി ടി എ പ്രസിഡന്റ് ശ്രീ ഉദയകുമാരമേനോന്‍, എസ് എം സി ചെയര്‍മാന്‍ ശ്രീ ബാബു പീറ്റര്‍, എം പി ടി എ പ്രസിഡന്റ് ശ്രീമതി സുമതി സുരേഷ് എന്നിവരും ഉദ്ഘാടന സമാപന സമ്മേളനങ്ങളില്‍ സന്നിഹിതരായിരുന്നു
No comments:
Post a Comment