 |  |
മോയന്‍സ് ഹയര്‍ സെക്കണ്ടറി സ്കൂള്‍ നൂറാം വാര്‍ഷികാഘോഷ ക്കമ്മിറ്റിയുടെ ആദ്യ യോഗം കമ്മിറ്റി ചെയര്‍പേഴ്‌സണ്‍ കൂടിയായ നഗരസഭാധ്യക്ഷ ശ്രീമതി പ്രമീളാ ശശിധരന്റെ അധ്യക്ഷതയില്‍ ചേര്‍ന്നു. മോയന്‍സ് സ്‌മാര്‍ട്ട് റൂമില്‍ ചേര്‍ന്ന യോഗത്തില്‍ വിവിധ കമ്മിറ്റി അംഗങ്ങളെ പരിചയപ്പെടുത്തുകയും കമ്മിറ്റികളുടെ പ്രവര്‍ത്തനവുമായി ബന്ധപ്പെട്ട നിര്‍ദ്ദേശങ്ങള്‍ നല്‍കുകയും ചെയ്തു. ജനുവരി ആദ്യവാരത്തില്‍ ശതാബ്‌ദിയാഘോഷങ്ങളുടെ ഔപചാരികമായ ഉദ്ഘാടനം നടത്തുന്നതിനും അതിന് മുന്നോടിയായി വിവിധ കമ്മിറ്റികള്‍ കൂടി പദ്ധതികള്‍ ആസൂത്രണം ചെയ്യുന്നതിനും തീരുമാനിച്ചു. പൂര്‍വ്വ വിദ്യാര്‍ഥികളെയും പൂര്‍വ്വാധ്യാപകരെയും ഈ ആഘോഷ പരിപാടികളില്‍ പങ്കാളികളാക്കുന്നതിനായി അവരുടെ പ്രത്യേകയോഗം വിളിക്കാനും അതിനുള്ള പ്രവര്‍ത്തനങ്ങള്‍ ഏകോപിപ്പിക്കുന്നതിന് ശഅരീമതി ലാലി ടീച്ചറിനെ ചുമതലപ്പെടുത്തുകയും ചെയ്തു.
നൂറാം വാര്‍ഷികത്തിനായി ഒരു ലോഗോ നിര്‍മ്മിക്കുന്നതിനും ഇതിന് പൂര്‍വ്വ വിദ്യാര്‍ഥികള്‍, പൂര്‍വ്വാധ്യാപകര്‍, നിലവിലുള്ള വിദ്യാര്‍ഥികള്‍, അധ്യാപകര്‍ എന്നിവര്‍ക്കായി മല്‍സരം സംഘടിപ്പിക്കാനും തീരുമാനിച്ചിട്ടുണ്ട്. ഡിസംബര്‍ എട്ടിനകം ലോഗോകള്‍ ക്ഷണിച്ചു കൊണ്ട് മാധ്യമങ്ങളില്‍ വാര്‍ത്ത നല്‍കുന്നതിനും തീരുമാനമായി. നൂറാം വാര്‍ഷികത്തിന്റെ പ്രചരണത്തിന്റെ ഭാഗമായി ഒരു ഫേസ്‌ബുക്ക് പേജ് ആരംഭിക്കുന്നതിനും ആശയവിനിമയത്തിനായി moyans100@gmail.com എന്ന മെയില്‍ ഐ ഡിയും തയ്യാറാക്കി. കമ്മിറ്റികള്‍ തയ്യാറാക്കുന്ന പ്രവര്‍ത്തനങ്ങള്‍ ചര്‍ച്ച ചെയ്യുന്നതിനായി ഡിസംബര്‍ പത്താം തീയതിയോടെ വിപുലമായ കമ്മിറ്റി യോഗവും ചേരും
No comments:
Post a Comment