 |
| Inauguration Smt Divya |
|
 |
| Class By Sri R Ramanujam |
|
100% വിജയം ലക്ഷമാക്കി മോയന്‍സ് സ്കൂളിലെ Higher Secondary വിദ്യാര്‍ഥികള്‍ക്കായി ആരംഭിച്ച മിഷന്‍ 100 എന്ന പദ്ധതിയുടെ ഉദ്ഘാടനം ഇന്ന് (നവംബര്‍ 16)ന് പാലക്കാട് നഗരസഭ വിദ്യാഭ്യാസ സ്റ്റാന്‍ഡിങ്ങ് കമ്മിറ്റി ചെയര്‍പേഴ്‌സണ്‍ ശ്രീമതി ദിവ്യ ഉദ്ഘാടനം ചെയ്തു. പ്രോജക്ട് കോര്‍ഡിനേറ്റര്‍ ശ്രീമതി പുഷ്‌കല സി പ്രോജക്ട് വിശദീകരണം നല്‍കി. പി ടി എ പ്രസിഡന്റ് ശ്രീ ഉദയകുമാരമേനോന്‍ , എസ് എം സി ചെയര്‍മാന്‍ ശ്രീ ബാബു പീറ്റര്‍ എന്നിവര്‍ ആശംസകള്‍ നേര്‍ന്നു. പ്രിന്‍സിപ്പല്‍ ശ്രീ പി അനില്‍ സ്വാഗതവും ശ്രീ പ്രമോദ് നന്ദിയും പറഞ്ഞു . ആദ്യദിവസം ശ്രീ ആര്‍ രാമാനുജം നയിച്ച ഗണിത ക്ലാസായിരുന്നു. പ്രോജക്ടിന്റെ ഉദ്ദേശ ലക്ഷ്യങ്ങള്‍ താഴെ പഠനമികവിന്റെ അടിസ്ഥാനത്തില്‍ കുട്ടികളെ മൂന്ന് ഗ്രൂപ്പുകളായി തിരിച്ച് ഓരോ ഗ്രൂപ്പിനും അവരുടെ കഴിവുകളുടെ അടിസ്ഥാനത്തില്‍ ആവശ്യമായ പഠനപ്രവര്‍ത്തനങ്ങള്‍ നല്‍കി പരീക്ഷക്ക് സജ്ജരാക്കുക, ഡിസംബര്‍ 10നകം പാഠഭാഗങ്ങള്‍ പൂര്‍ത്തിയാക്കി തുടര്‍ന്നുള്ള മാസങ്ങളില്‍ അധിക പഠനപ്രവര്‍ത്തനങ്ങളിലൂടെ അവരെ പരീക്ഷക്ക് സജ്ജരാക്കുക, അധ്യാപകര്‍ ഓരോവിഷയങ്ങളുമായി ബന്ധപ്പെട്ട് ചോദ്യബാങ്കുകള്‍ തയ്യാറാക്കി ആവശ്യമായ പഠനവിഭവങ്ങള്‍ സമ്പാദിച്ച് നല്‍കുക, ഓരോ വിഷയവുമായി ബന്ധപ്പെട്ട് സ്കൂളിലെ അധ്യാപകര്‍ക്ക് പുറമേ അതത് മേഖലകളില്‍ പ്രാഗല്‍ഭ്യം തെളിയിച്ച വിദഗ്ധരെ പങ്കെടുപ്പിച്ച് ക്ലാസുകള്‍ സംഘടിപ്പിക്കുക, പരീക്ഷാ ഭയം, ടെന്‍ഷന്‍ ഇവ ഒഴിാക്കുന്നതിലൂടെ ആത്മവിശ്വാസം കൈവരിക്കുന്നതിനുതകുന്ന പ്രവര്‍ത്തനങ്ങള്‍ എന്നിവയാണ് മിഷന്‍ 100 മുന്നോട്ട് വെക്കുന്ന ലക്ഷ്യങ്ങള്‍
No comments:
Post a Comment