നൂറ് വര്‍ഷം പിന്നിടുന്ന പാലക്കാട് ഗവ മോയന്‍ മോഡല്‍ ഗേള്‍സ് ഹയര്‍ സെക്കണ്ടറി സ്കൂളിന്റെ ശതാബ്‌ദിയാഘോഷങ്ങള്‍ക്ക് ആരംഭം കുറിക്കുന്നതിന് മുന്നോടിയായുള്ള സ്വാഗതസംഘരൂപീകരണയോഗം നവംബര്‍ 26 ഞായറാഴ്ച രാവിലെ പാലക്കാട് മുനിസിപ്പല്‍ ടൗണ്‍ ഹാളില്‍ പാലക്കാട് എം പി ശ്രീ എം ബി രാജേഷ് ഉദ്ഘാടനം ചെയ്തു. പാലക്കാട് എം എല്‍ എ ശ്രീ ഷാഫി പറമ്പിലിന്റെ സാന്നിധ്യത്തില്‍ നടന്ന യോഗത്തില്‍ പാലക്കാട് നഗരസഭാധ്യക്ഷ ശ്രീമതി പ്രമീള ശശിധരന്‍ അധ്യക്ഷത വഹിച്ചു. നഗരസഭാ ഉപാധ്യാക്ഷന്‍ ശ്രീ സി കൃഷ്ണകുമാര് മുഖ്യപ്രഭാഷണം നടത്തി. സ്കൂള്‍ ബ്ലോഗിന്റെ ഉദ്ഘാടനം ശ്രീ ഷാഫി പറമ്പില്‍ എം എല്‍ എ നിര്‍വ്വഹിച്ചു. ഒരു വര്‍ഷം നീണ്ടു നില്‍ക്കുന്ന ആഘോഷ പരിപാടികളുടെ ഔപചാരികമായ ഉദ്ഘാടനം ഡിസംബറില്‍ നടത്തുന്നതിനാണ് ആലോചിക്കുന്നത്. സ്വാഗതസംഘത്തിന്റെ ഭാഗമായി തിരഞ്ഞെടുത്ത വിവിധ കമ്മറ്റികളുടെ യോഗത്തില്‍ തീയതിയും മറ്റ് പരിപാടികളും തീരുമാനിക്കുന്നതാണ്. AEO ശ്രീ എം വിനോദന്‍, നഗരസഭാ വിദ്യാഭ്യാസ സ്റ്റാന്‍ഡിങ്ങ് കമ്മിറ്റി ചെയര്‍‌പേഴ്‌സണ്‍ ശ്രീമതി കെ ദിവ്യ കൗണ്‍സിലര്‍മാരായ ശ്രീമതി പ്രിയ വെങ്കടേഷ്, ശ്രീമതി എ കുമാരി, സുമതി സുരേേഷ്, പി ടി എ പ്രസിഡന്റ് ശ്രീ ഉദയകുമാര മേനോന്‍, എസ് എം സി ചെയര്‍മാന്‍ ശ്രീ ബാബു പീറ്റര്‍, സ്റ്റാഫ് സെക്രട്ടറി ശ്രീമതി സന്ധ്യ , സ്കൂള്‍ പാര്‍ലമെന്റ് ചെയര്‍മാന്‍ ശ്രീതി സുധീര്‍ എന്നിവര്‍ ആശംസകള്‍ നേര്‍ന്നു. പ്രിന്‍സിപ്പല്‍ ശ്രീ പി അനില്‍ സ്വാഗതവും പ്രധാനാധ്യാപിക ശ്രീമതി ടി ബീന നന്ദിയും പ്രകാശിപ്പിച്ചു. ശ്രീമിതി പ്രമീള ശശിധരന്‍(ചെയര്‍മാന്‍) ശ്രീ സി കൃഷ്ണകുമാര്(വൈസ് ചെയര്‍മാന്‍) ശ്രീ പി അനില്‍ (ജനറല്‍ കണ്‍വീനര്‍) ശ്രീമതി രമ സി മേനോന്‍, ശ്രീമതി ടി ബീന (ജോ. കണ്‍വീനര്‍മാര്‍) എന്നിവരുള്‍പ്പെട്ട കമ്മിറ്റിയാണ് രൂപീകരിച്ചത്.
കൂടുതല്‍ ചിത്രങ്ങള്‍ Gallery പേജില്‍
No comments:
Post a Comment